Senat komıtetinde QR-nyń poshta týraly zańnamasy erejelerin birizdendirý boıynsha zań jobasy qaraldy
ASTANA. QazAqparat - Qazaqstan Respýblıkasy Parlamenti Senaty Ekonomıkalyq saıasat, ınnovatsııalyq damý jáne kásipkerlik komıtetinde «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń poshta týraly zańnamasynyń normalaryn Dúnıejúzilik poshta odaǵy aktileriniń normalarymen birizdendirý máseleleri boıynsha ózgerister men tolyqtyrýlar engizý týraly» zań jobasy qaraldy.
Zań jobasy Qazaqstan Respýblıkasynyń poshta týraly zańnamasyn halyqaralyq mindettemelerge sáıkes keltirý qajettigin eskere otyryp, sondaı-aq Qazaqstan Respýblıkasynyń Prezıdenti «Qazaqstan joly 2050: bir maqsat, bir múdde, bir bolashaq» atty Qazaqstan halqyna Joldaýynda eldiń tranzıttik áleýetin, logıstıkalyq kórsetiletin qyzmetter men halyqaralyq saýdany damytý salasynda qoıǵan mindetterdi oryndaý aıasynda ázirlengen bolatyn.
Zań jobasynyń mindeti, atap aıtqanda taǵaıyndalǵan operator ınstıtýtyn jáne «poshta baılanysynyń ámbebap kórsetiletin qyzmetteri» uǵymyn engizý sııaqty jańa engizilimderge negizdelgen poshta baılanysynyń kórsetiletin qyzmetter naryǵyndaǵy qatynastardy uıymdastyrýdyń jańa úlgisin engizý bolyp tabylady.
Zań jobasymen «Tabıǵı monopolııalar jáne retteletin naryqtar týraly», «Pochta týraly», «Avtomobıl kóligi týraly» jáne «Baılanys týraly» Qazaqstan Respýblıkasynyń zańdaryna ózgerister men tolyqtyrýlar engiziledi.
Zań jobasyn qabyldaý poshta baılanysynyń qyzmetin jetildirýge, paıdalanýshylar quqyqtarynyń qorǵalýyn arttyrýǵa, halyqaralyq poshta jóneltilimderiniń erkin tranzıtin qamtamasyz etýge múmkindik beredi.
Zań jobasy Palatanyń qaraýyna jiberildi.
