Senat komıtetinde kiristerdi jylystatýǵa jáne lańkestikti qarjylandyrýǵa qarsy is-qımyl týraly zań jobasy talqylandy
ASTANA. 22 mamyr. QazAqparat - Búgin Parlament Senatynyń Qarjy jáne bıýdjet komıtetinde «Qazaqstan Respýblıkasynyń keıbir zańnamalyq aktilerine zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa
jáne aqshany qolma-qol aqshaǵa aınaldyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy talqylandy.
Senat otyrysynda birinshi oqylymda maquldanǵan zań jobasyn talqylaý barysynda depýtattar jobaǵa tıisti ózgerister men tolyqtyrýlar engizý qajettigin atap ótti.
Atap aıtqanda, «Advokattyq qyzmet týraly» zańdaǵy 11-babynan «Zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa jáne aqshany qolma-qol aqshaǵa aınaldyrýǵa qarsy is-qımyl týraly» zańda qarastyrylǵan, advokattyq qyzmetpen aınalysýda júıeli (úsh nemese odan kóp ret keıingi kúntizbelik on eki aıda) túrde talaptar buzylǵan jaǵdaıda lıtsenzııa kúshin lıtsenzııa berýshiniń toqtatýyn qarastyratyn 2-1 tarmaqty alyp tastaý usynyldy.
Advokattyq qyzmetpen aınalysatyn lıtsenzııa kúshin toqtatý týraly bul ereje qoldanystaǵy zańnamada qarastyrylǵan.
Bul aıtylǵan negizdemeler, sondaı-aq túrli zańnamalyq aktilerdegi erejeler arasyndaǵy olqylyqtardy joıý maqsatynda depýtattar «Notarıat týraly» zańdaǵy 10-baptyń 2-tarmaǵyndaǵy 3-1) tarmaqshasynda qarastyrylǵan osyndaı erejeni alyp tastaýdy usyndy.
