Senat komıtetinde keıbir zańnamalyq aktilerge qor naryǵyn damytý máseleleri boıynsha ózgerister men tolyqtyrýlar engizý týraly zań jobasy qaraldy
ASTANA. 23 jeltoqsan. QazAqparat - Búgin Parlament Senatynyń Qarjy jáne bıýdjet komıtetinde «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda qor naryǵyn damytý máseleleri boıynsha ózgerister men tolyqtyrýlar engizý týraly» zań jobasy qaraldy,
dep habarlaıdy Senattyń baspasóz qyzmeti.
Atap aıtqanda, jobada ІRO baǵdarlamasyna qatysatyn kompanııalardyń aktsııalaryn jarııaly túrde ornalastyrý úshin jaǵdaılardy qamtamasyz etý bóligine ózgerister engizý qarastyrylǵan.
Sondaı-aq ІRO aıasynda aktsııalary ornalastyrylatyn qoǵamdy jarııa kompanııanyń tanýy bóligine, joǵaryda atalǵan emıtentterdiń sheteldik azamattarǵa jáne (nemese) zańdy tulǵalarǵa, sondaı-aq azamattyǵy joq adamdarǵa aktsııalardy satýyna tyıym salýdy belgileý bóligine ózgerister men tolyqtyrýlar engizý kózdeledi.
Zań jobasy palatanyń qaraýyna jiberildi.
