Senat komıtetinde Keden odaǵynda taýarlardyń eksporty men ımporty, jumystar oryndaý, qyzmetter kórsetý kezinde janama salyqtar alý prıntsıpteri týraly zań jobasy talqylandy

2009 jylǵy jeltoqsannyń 11-de Sankt-Peterborda qol qoıylǵan Hattamaǵa qatysty zań jobasyn qaraý barysynda Kelisimniń 3, 10 baptaryna taýarlardyń eksporty men ımporty, jumystar oryndaý, qyzmetter kórsetý kezinde janama salyqtar alý prıntsıpteri týraly ózgerister engizilgeni aıtyldy.

Qazaqstan bul Kelisimdi 2009 jylǵy sáýir aıynda ratıfıkatsııalaǵan bolatyn. Kelisimniń 4 jáne 5 baptaryn júzege asyrý maqsatynda keden odaǵyndaǵy taýarlardyń eksporty men ımporty kezinde janama salyqtar alý tártibin, sondaı-aq olardyń tólemderin baqylaý tetikterin belgileıtin Hattama jáne jumystardy oryndaý, qyzmetter kórsetý kezinde janama salyqtar alý tártibin belgileıtin Hattama ázirlendi.

Otyrysta sonymen birge «Keden odaǵynda kedendik ákelý bajdaryn (ózge bajdardy, balama áreketi bar salyqtar men alymdardy) esepke alý men bólýdiń tártibin belgileý jáne qoldaný týraly kelisimdi ratıfıkatsııalaý týraly», «Keden odaǵy komıssııasynyń Kedendik statıstıka ortalyǵy mártebesi týraly hattamany ratıfıkatsııalaý týraly» jáne «Syrtqy saýda statıstıkasy men ózara saýda statıstıkasynyń derekterin berý tártibi týraly hattamany ratıfıkatsııalaý týraly» zań jobalary da qaraldy.

Otyrysta qaralǵan barlyq zań jobalary palata qaraýyna jiberiletin boldy.