Senat komıtetinde Keden odaǵyna qatysta eki zań jobasy talqylandy
/em>ASTANA. Maýsymnyń 14-i. QazAqparat /Qanat Mámetqazyuly/ - Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetiniń keńeıtilgen otyrysy bolyp ótti.
Onda «Keden odaǵynyń veterınarııalyq-sanıtarııalyq sharalar jónindegi kelisimin ratıfıkatsııalaý týraly» jáne «Keden odaǵynyń ósimdikter karantıni týraly kelisimin ratıfıkatsııalaý týraly» zań jobalary qaraldy.
2009 jylǵy jeltoqsannyń 11-inde Sankt-Peterbor qalasynda EýrAzEQ Memleketaralyq Keńesiniń májilisi barysynda Keden odaǵynyń veterınarııalyq-sanıtarııalyq sharalar jónindegi kelisimi qabyldanǵan bolatyn. Sonyń negizindegi osy kelisim Keden odaǵynyń veterınarııalyq-sanıtarııalyq qaýipsizdiginiń biryńǵaı júıesin qurýǵa jáne veterınarııalyq-sanıtarııalyq talaptar men sharalardy qoldaný salasynda kelisilgen saıasat júrgizýge múmkindik beredi. Bul Keden odaǵynyń aýmaǵyn janýarlardyń juqpaly aýrýlary qozdyrǵyshtarynyń ákelinýinen jáne taralýynan qorǵaýdy ári ekonomıkalyq shyǵyndy azaıtýdy qamtamasyz etip, veterınarııalyq-sanıtarııalyq baqylaýǵa jatatyn ónimniń halyqaralyq saýdasyndaǵy kedergilerdi joıýǵa múmkindik beredi.
Keden odaǵyn qalyptastyrý keden odaǵyna múshe memleketterdiń Keden odaǵynyń kedendik aýmaǵyna janýarlardyń, onyń ishinde adam men janýarlarǵa ortaq juqpaly aýrýlar qozdyrǵyshtarynyń jáne veterınarııalyq talaptarǵa sáıkes kelmeıtin taýarlardyń (ónimderdiń) ákelinýinen jáne taralýynan qorǵaýdy qamtamasyz etý maqsatynda keden odaǵynyń veterınarııalyq qaýipsizdiginiń biryńǵaı júıesin qurý jáne veterınarııalyq-sanıtarııalyq talaptar men sharalardy qoldaný salasynda kelisilgen saıasat júrgizý qajettiligin talap etedi.
Zań jobalary keden odaǵynyń veterınarlyq-sanıtarlyq jáne fıtosanıtarlyq qaýipsizdiktiń biryńǵaı júıesin qurýǵa jáne osy saladaǵy kelisilgen saıasat júrgizýine múmkindik beredi. Qos kelesim palatanyń jalpy otyrystaǵy qaraýyna jiberiletin boldy.
