Senat komıtetinde qazaqstandyq qamtý máseleleri týraly zań jobasy qaraldy
dep habarlady Senattyń baspasóz qyzmetinen.
Zań jobasy memlekettik organdar men uıymdardyń taýarlardy, jumystar men qyzmet kórsetýlerdi satyp alý barysyndaǵy qazaqstandyq qamtý máseleleri jónindegi memlekettik organdardyń ýákilettigin, sondaı-aq ýákiletti organdar, tapsyrys berýshiler jáne jetkizýshiler arasyndaǵy ózara qarym-qatynastardy belgileıdi.
Bul maqsattardy oryndaý úshin Ákimshilik quqyq buzýshylyq týraly kodekske, «Jer qoınaýy jáne jer qoınaýyn paıdalaný týraly», «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Aktsıonerlik qoǵamdar týraly», «Kontsessııalar týraly», «Memlekettik satyp alý týraly», «Ulttyq ál-aýqat qory týraly» zańdarǵa ózgerister men tolyqtyrýlar engizý qarastyrylyp otyr.
Engizilgeli otyrǵan ózgerister men tolyqtyrýlar qazaqstandyq qamtý jónindegi uǵymdyq túsindirmege biryńǵaı qatynastardy belgileýdi, memlekettik organdar arasyndaǵy qazaqstandyq qamtýdy baqylaý jáne monıtorıng mindetterin bólýdi, uıymdardyń taýarlardy, jumystar men qyzmet kórsetýlerdi satyp alý barysyndaǵy qazaqstandyq qamtýdyń biryńǵaı ádistemesin bekitý jáne tenderler men konkýrstar ótkizý barysynda qazaqstandyq óndirýshilerdi qoldaý jónindegi birtutas sharalar jónindegi Úkimet quziretindegi mindetterdi aıqyndaýdy qarastyrady.
Sondaı-aq jobada memlekettik satyp alý salasyndaǵy konkýrsqa qatysýshylardyń konkýrstyq baǵa týraly usynystaryna áser etetin erejelerdi qoldaný jónindegi mindetterdiń buzylǵany úshin jaýapkershilik qarastyrylǵan.
Satyp alýǵa monıtorıng jasaý júıesin tártipke keltirý ishki memlekettik suranysqa taldaý jasaýǵa jáne ımportty almastyrýdaǵy sapaly sharalardy júzege asyrýǵa múmkindik beredi.
Zań jobasy palatanyń qaraýyna jiberiletin boldy.
