Senat komıtetinde Qazaqstan men Ispanııa Koroldiginiń arasyndaǵy úkimetaralyq qujattardy bekitý týraly zań jobasy qaraldy
ASTANA. 23 jeltoqsan. QazAqparat - Búgin Senattyń Qarjy jáne bıýdjet komıtetinde «Qazaqstan Respýblıkasynyń Úkimeti men Ispanııa Koroldiginiń Úkimeti arasyndaǵy
Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııany jáne oǵan Hattamany ratıfıkatsııalaý týraly» zań jobasy qaraldy, dep habarlady QR Parlamenti Senatynyń baspasóz qyzmeti.
Konventsııa men Hattamaǵa 2009 jylǵy shildede Astanada qol qoıylǵan bolatyn.
Otyrysta sondaı-aq «Jeke tulǵalardyń Keden odaǵynyń keden shekarasy arqyly qolma-qol aqsha qarajatyn jáne (nemese) aqsha quraldaryn ótkizý tártibi týraly shartty ratıfıkatsııalaý týraly» zań jobasy da qaraldy.
Bıylǵy shilde aıynda Astanada qol qoıylǵan bul qujatta jeke tulǵa 10 AQSh dollaryna teń nemese odan asatyn somadaǵy qolma-qol aqshany jáne jol chekterin keden aýmaǵyna ákelgende nemese odan áketken kezde kedendik deklaratsııalaý mindetti bolyp belgilendi.
Al 10 AQSh dollaryna teń nemese odan aspaıtyn somadaǵy qolma-qol aqsha men jol chekteri Keden odaǵynyń keden shekarasynan ótken kezde jeke tulǵanyń qalaýy boıynsha jazbasha túrde kedendik deklaratsııa jasalýy múmkin.
Zań jobasy palatanyń qaraýyna jiberildi.
