Senat komıtetinde Qaıta Qurý jáne Damý Banki arasyndaǵy Qaryz týraly kelisimdi ratıfıkatsııalaý týraly zań jobasy qaraldy
ASTANA. QazAqparat - Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Eńbek daǵdylaryn damytý jáne jumys oryndaryn yntalandyrý jónindegi joba) ratıfıkatsııalaý týraly» zań jobasyn qarady.
Qazaqstan men Halyqaralyq Qaıta Qurý jáne Damý Banki arasyndaǵy kelisimge 2015 jylǵy 20 shildede Astanada qol qoıylǵan kelisimniń maqsaty jumyspen qamtý men nysanaly benefıtsıarlardyń eńbek daǵdylary salasyndaǵy nátıjelerdi jaqsartý men tehnıkalyq jáne kásiptik bilim berýdiń, oqytýdyń jáne joǵary bilim berý baǵdarlamalarynyń ózektiligin arttyrý bolyp tabylady.
Jobanyń quny 25 345 mıllıon teńge - 137 mıllıon AQSh dollary, onyń ishinde syrtqy qaryzdardy respýblıkalyq bıýdjetten qosa qarjylandyrý esebinen 6,8 mıllıard teńge - 37 mıllıon AQSh dollary, syrtqy qaryz esebinen 18,5 mıllıard teńge - 100 mıllıon AQSh dollary. Jobany 2020 jylǵy 30 maýsymda aıaqtaý josparlanyp otyr. Qujat Palatanyń qaraýyna jiberildi.
