Senat komıtetinde ındýstrııalyq qyzmetti qoldaýǵa arnalǵan zań jobasy talqylandy
ASTANA. 20 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń Ekonomıkalyq damý jáne kásipkerlik komıtetiniń keńeıtilgen otyrysy bolyp ótti.
Onda senatorlar «Qazaqstan Respýblıkasynyń keıbir zańnamalyq aktilerine ındýstrııalyq-ınnovatsııalyq qyzmetti memlekettik qoldaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylady.
Esterińizge sala keteıik, atalǵan qujat «Indýstrııalyq-ınnovatsııalyq qyzmetti memlekettik qoldaý týraly» zańǵa ilespe qujat retinde qamtylǵan bolatyn. Osyǵan oraı zań jobasy birinshi oqylymda Senattyń jalpy otyrysynda maquldanǵan edi. Qujattyń negizgi maqsaty qoldanystaǵy zańnama normalaryn osy zańǵa sáıkestendirý bolyp tabylady jáne sol baǵytta birqatar zańnamalarǵa ózgertýler engiziledi. Atap aıtqanda, Jer kodeksine ındýstrııalyq-ınnovatsııalyq jobalardy iske asyrý úshin ýaqytsha jer paıdalaný quqyǵynda jer ýchaskelerin bólý múmkindigin berý bóliginde, Salyq kodeksine ǵylymı-zertteý, ǵylymı-tehnıkalyq jáne tájirıbelik-konstrýktorlyq dep tanylǵan jumystardyń nátıjesi Qazaqstan aýmaǵynda alǵash ret engizilgen jaǵdaıda, atalǵan jumystardy oryndaýǵa jumsalǵan shyǵystarǵa salyq salýdy azaıtý sharalary kózdeledi. Budan bólek, ındýstrııalyq-ınnovatsııalyq qyzmet sýbektilerinen ónimdi kepildi túrde satyp alý sheńberinde satyp alýdy júzege asyrý qarastyrylady.
Sonymen qatar, zań jobasy ındýstrııalyq-ınnovatsııalyq qyzmetti memlekettik qoldaýdy iske asyrý boıynsha zańnamany ýaqtyly retteýdi qamtamasyz etýge múmkindik beredi. Sondaı-aq ekonomıkanyń basym salalarynyń jumys isteýin jáne pármendi damýyn jetildirýge, uzaq merzimdi perspektıvada ulttyq ekonomıkanyń ornyqty ósýi men onyń básekege qabilettiligin arttyrýǵa yqpal etetin bolady.
Zań jobasy palatanyń jalpy otyrysynda talqylanatyn bolady.
