Senat komıtetinde «Halyqtyń kóshi-qony týraly» zań jobasy qaraldy

Zań jobasy kóshi-qon, syrtqy jáne ishki kóshi-qondy memlekettik retteý, syrttan kóship kelgen qandastarymyz ben olardyń otbasylaryn, sondaı-aq elimizdiń ekonomıkalyq turǵyda artta qalǵan jáne ekologııalyq jaısyz aımaqtarynda turatyn qazaqstandyq azamattardy tıimdi ornalastyrý, jaıǵasýǵa járdemdesý jáne áleýmettik qoldaý salalaryndaǵy zańnamalyq bazany odan ári jetildirýge baǵyttalǵan. Sonymen qatar, komıtettiń keńeıtilgen otyrysynda «Qazaqstan Respýblıkasynyń keıbir zańnamalyq aktilerine halyqtyń kóshi-qony máseleleri boıynsha ózgerister men tolyqtyrýlar engizý týraly» zań jobasy da qaraldy.

Qujat qoldanystaǵy zańnamalyq aktilerdi «Halyqtyń kóshi-qony týraly» zań jobasymen sáıkestendirý maqsatynda ázirlendi.

Zań jobasymen Azamattyq is-júrgizý, Ákimshilik quqyq buzýshylyq týraly, Eńbek jáne Salyq kodeksterine, sondaı-aq «Qazaqstan Respýblıkasynyń azamattyǵy týraly», «Sheteldikterdiń quqyqtyq jaǵdaıy týraly», «Turǵyn úı qatynastary týraly», «Qazaqstan Respýblıkasyndaǵy turǵyn úı qurylysy jınaq aqshasy týraly», «Halyqty jumyspen qamtý týraly», «Memlekettik ataýly áleýmettik kómek týraly» jáne «Bilim týraly» zańdarǵa ózgerister engiziletin bolady.