Senat komıtetinde halyqaralyq qujattar qaraldy
ASTANA. QazAqparat - Búgin Qazaqstan Respýblıkasy Parlamenti Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetinde Qazaqstan men Qytaı arasyndaǵy Qorǵas ózeninde «Dostyq» ortaq birlesken sý torabyn salýdaǵy yntymaqtastyq týraly úkimetaralyq kelisimdi ratıfıkatsııalaý týraly zań jobasy qaraldy.
Kelisimniń maqsaty «Dostyq» ortaq birlesken sý torabyn salý máselelerin retteý bolyp tabylady. Kelisim sý toraby qurylysy kezeńinde qoldanylatyn bolady.
Otyrysta sonymen qatar 1999 jylǵy 3 jeltoqsanda Pekınde qabyldanǵan Ozon qabatyn buzatyn zattar jónindegi Monreal Hattamasyna Túzetýlerdi ratıfıkatsııalaý jónindegi zań jobasy da qaraldy.
Monreal Hattamasy jerdiń ozon qabatyn qorǵaý maqsatynda 1987 jyly qabyldanǵan bolatyn. Monreal Hattamasyna bul túzetý turmystyq, óndiristik, saýda jáne kólik sektorlaryndaǵy tońazytqysh jáne baptaǵysh júıesine salqyndatqysh retinde quıý úshin, sondaı-aq kóbik materıaldary sektory úshin reagent retinde paıdalanatyn kómirsýtegin bóletin gıdrohlorftorkómirtekti tutynýdy birte-birte toqtatýǵa, jáne Monreal hattamasynyń tarapy bolyp tabylmaıtyn kez kelgen memleketke kez kelgen memleketten gıdrohlorftorkómirtekti eksporttaýǵa/ımporttaýǵa tyıym salýǵa baǵyttalǵan.
Pekın túzetýin 190-tan astam memleket ratıfıkatsııalaǵan, onyń ishinde Eýroodaq, Ortalyq Azııa jáne Latyn Amerıkasyndaǵy elder, AQSh, Kanada, Reseı Federatsııasy jáne taǵy basqalar bar.
Keden Odaǵy elderinen Qazaqstan ǵana Pekın túzetýiniń Tarapy bolyp sanalmaıdy. Bul Belarýs pen Reseı Federatsııasy saýdaǵa baılanysty kedendik rásimderdiń bolmaýyna qaramastan, Pekın túzetýin ratıfıkatsııalamaǵan jaǵdaıda, Qazaqstanmen jasalatyn ozon qabatyn buzatyn zattar saýdasyna shekteýler qoıýlary qajettigin mindetteıdi.
Bul Túzetýlerdi ratıfıkatsııalaý ozon qabatyn buzatyn zattar saýdasyna shekteý engizý barysynda shaǵyn jáne orta bızneske qarjy shyǵyndaryn tómendetip, «kúńgirt» joldar men kontrabanda táýekelderin azaıtýǵa, Keden odaǵy, Eýrazııalyq ekonomıkalyq komıssııa aıasynda ulttyq zańnamalardy úılestirýge múmkindik beredi jáne Qazaqstan Respýblıkasynyń «jasyl» ekonomıkaǵa kóshý tujyrymdamasyn, onyń jańa tehnologııalardy tartý bóligin iske asyrýǵa yqpal etedi.
Maquldanǵan zań jobalary Palata otyrysyna jiberildi.
