Senat komıtetinde energııa únemdeý týraly zańnamaǵa túzetýler qaraldy
ASTANA. QazAqparat - Búgin QR Parlamenti Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń komıtettiń keńeıtilgen otyrysynda «Energııa únemdeý jáne energııa tıimdiligin arttyrý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy qaraldy.
Atap aıtqanda, qujatta energııa servıstik, energııaǵa aýdıt júrgizetin uıymdardyń jáne energııa únemdeý jáne energııa tıimdiligin ulǵaıtý salasyna mamandar daıarlaý, qaıta daıarlaý jáne biliktiligin arttyrý jónindegi oqý ortalyqtarynyń qyzmeti retteldi, energııa únemdeý jáne energııa tıimdiligin arttyrý salasyndaǵy tirkeý máseleleri boıynsha erejeler jaqsartyldy.
QR Investıtsııalar jáne damý vıtse-mınıstri Albert Raý zań jobasy baǵytynda búginde barlyǵy rettelip, barsha eskertýler qarastyrylǵanyn aıta kele, senatorlardyń osy salany jetildirýge negizdelgen túzetýlerdi qoldaǵandyqtaryna alǵys bildirdi.
Zań jobasy energııa únemdeý, óndiriste jáne energetıka resýrstaryn paıdalaný salasynda energııa tıimdiligin arttyrý tehnologııalaryn qoldaný maqsatynda ázirlengen bolatyn.
Zań jobasy Palatanyń qaraýyna jiberildi.
