Senat komıtetinde ekstremızmge jáne terrorızmge qarsy is-qımyl máseleleri jónindegi zań jobasy qaraldy
ASTANA. QazAqparat - Búgin Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasy qaraldy.
Zań jobasynyń maqsaty - ekstremızmge jáne terrorızmge qarsy is-qımyl salasyndaǵy zańnamany jetildirý.
Joba memlekettik organdardyń ókilettikterin, quqyqtary men mindetterin naqtylaýǵa baǵyttalǵan erejelerdi qarastyrady. Ekstremızmge jáne terrorızmge qarsy is-qımyl jónindegi jekelegen ókilettikter jergilikti deńgeıge berildi. Odan basqa, zań jobasynda qoldanystaǵy zańnamada qoldanylyp júrgen anyqtamalardy birkelki túsiný jáne qoldanýǵa baǵyttalǵan naqtylaý sıpatyndaǵy birqatar túzetýler qarastyrylǵan.
Zań jobasy Palatanyń qaraýyna jiberildi.
