Senat komıtetinde dońǵalaqty kólik quraldaryna biryńǵaı tehnıkalyq nusqamalardy qabyldaý týraly zań jobasy qaraldy
ASTANA. Maýsymnyń 11-i. QazAqparat - Búgin Senattyń Zańnama jáne quqyqtyq máseleler komıtetinde «Dońǵalaqty kólik quraldaryna, dońǵalaqty kólik quraldarynda ornatylýy,
nemese paıdalanylýy múmkin jabdyqtaý zattary men bólshekterge arnalǵan biryńǵaı tehnıkalyq nusqamalardy qabyldaý týraly jáne osy nusqamalardyń negizinde beriletin resmı bekitýlerdi ózara moıyndaý sharttary týraly kelisimdi ratıfıkatsııalaý týraly» zań jobasy qaraldy.
Bul zań jobasynyń qabyldanýy Qazaqstan Respýblıkasyna tehnıkalyq jáne tehnologııalyq erejelerdi eýropalyq standarttarmen birdeıleýge, sondaı-aq «Eýro-2» ekologııalyq talaptaryn kólik quraldaryna qoldanýǵa múmkindik beredi.
Keńeıtilgen otyrysta «Dońǵalaqty kólik quraldaryn merzimdi tehnıkalyq qarap-tekserýlerge arnalǵan biryńǵaı sharttardy qabyldaý týraly jáne osyndaı qarap-tekserýlerdi ózara moıyndaý týraly kelisimdi ratıfıkatsııalaý týraly» zań jobasy da qaraldy.
Kelisim maqsaty oǵan qatysýshy elderdiń dońǵalaqty kólik quraldaryn merzimdi tehnıkalyq qarap-tekserýlerge arnalǵan biryńǵaı sharttardy qabyldaý týraly jáne osyndaı qarap-tekserýlerdi ózara moıyndaý týraly quqyqtyq negizder men jalpy rásimderdi qamtamasyz etý bolyp tabylady.
Eki zań jobasy da palata qaraýyna jiberiletin boldy.
