Senat komıtetinde dıplomatııalyq qyzmet týraly zańǵa ózgerister men tolyqtyrýlar engizý týraly zań jobasy talqylandy

Zańǵa engiziletin ózgerister álemdegi jalpyǵa ortaq tájirıbege sáıkes dıplomatııalyq qyzmettegi adamdardy áleýmettik qorǵaýdy qamtamasyz etýdi, dıplomatııalyq qyzmet organdary qyzmetin uıymdastyrý salasynda ulttyq zańnamalardy jetildirýdi, mamandar áleýetin nyǵaıtýdy, dıplomatııalyq qyzmettiń tartymdylyǵyn arttyrýdy kózdeıdi.

Komıtet otyrysynda sonymen qatar «Qazaqstan Respýblıkasynyń Úkimeti men Palestına Memleketiniń Úkimeti arasyndaǵy Palestına Memleketiniń Qazaqstan Respýblıkasyndaǵy Elshiliginiń muqtajdyqtary úshin Astana qalasyndaǵy ofıstik úı-jaıdy óteýsiz paıdalanýǵa berý týraly kelisimdi ratıfıkatsııalaý týraly» zań jobasy da qaraldy.

Zań jobasy palatanyń qaraýyna jiberildi.