Senat komıtetinde baılanys týraly zań jobasy talqylandy
ASTANA. 7 jeltoqsan. QazAqparat - Búgin Senattyń Ekonomıkalyq jáne óńirlik saıasat komıtetinde «Qazaqstan Respýblıkasynyń keıbir zańnamalyq aktilerine baılanys máseleleri boıynsha tolyqtyrýlar engizý týraly» zań jobasy talqylandy.
Zań jobasy sandyq tele jáne radıo habarlaryn taratýdy damytýǵa jáne sandyq turǵydaǵy taratýǵa kóshý (2011 jylǵy 1 qańtar men 2015 jylǵy 31 jeltoqsan aralyǵynda) kezeńinde qazaqstandyq telekompanııalar men telearnalardy qoldaýǵa baǵyttalǵan.
Zań jobasymen Bıýdjet kodeksi men «Baılanys týraly» zańǵa tolyqtyrý engiziledi. Atap aıtqanda, otandyq teledıdar jáne radıoarnalardy jer serigi júıesi arqyly taratýdaǵy baılanys jáne aqparat salasy ýákiletti organdarynyń taratý jónindegi quzireti naqtylanady.
Odan basqa, memlekettik jáne menshik túrine qaramastan jeke teleradıo taratý uıymdarynyń tele jáne radıo baǵdarlamalaryn jer serigi júıesimen taratý qarastyrylyp otyr.
Zań jobasy palatanyń qaraýyna usynyldy.
