Senat komıtetinde «Batys Eýropa - Batys Qytaı» halyqaralyq tranzıt dálizindegi Jambyl oblysyndaǵy ýchaske (1 kólik dálizi) týraly zań jobasy talqylandy
ASTANA. Naýryzdyń 4-i. QazAqparat - Búgin Senattyń Ekonomıkalyq jáne óńirlik saıasat komıtetinde «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 1 kólik dálizi [Jambyl oblysyndaǵy ýchaske] [«Batys Eýropa - Batys Qytaı» halyqaralyq tranzıt dálizi] Investıtsııalyq baǵdarlama - 2-joba) ratıfıkatsııalaý týraly» zań jobasy talqylandy,
dep habarlaıdy Senattyń baspasóz qyzmeti.
2009 jylǵy 3 jeltoqsanda Astanada qol qoıylǵan Kelisimniń maqsaty Jambyl oblysy aýmaǵynan ótetin uzyndyǵy 79 shaqyrym dáliz bóligin jańǵyrtý jáne jóndeý jumystaryn, jol paıdalaný qyzmetiniń 4 keshenin qarjylandyrý úshin zaım berý bolyp tabylady.
OAÓEY 1 kólik dálizi [Jambyl oblysyndaǵy ýchaske] [«Batys Eýropa - Batys Qytaı» halyqaralyq tranzıt dálizi] Investıtsııalyq baǵdarlama - 2-jobasyn júzege asyrý elimizdiń kólik áleýetin damytyp, halyqaralyq tranzıt dáliziniń qazaqstandyq bóligindegi qozǵalys jıiligin eleýli arttyrady jáne tranzıttik júkterdiń aınalymyn ulǵaıtady.
Zań jobasy palatanyń qaraýyna jiberiletin boldy.
