Senat komıtetinde balanyń quqyqtaryn qorǵaý týraly zań jobasy talqylandy
ASTANA. Qazannyń 12-si. QazAqparat - Búgin Senattyń Áleýmettik-mádenı damý komıtetinde «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaýdy qamtamasyz etý máseleleri boıynsha ózgerister men tolyqtyrýlar engizý týraly» zań jobasy talqylandy,
dep habarlaıdy Senattyń baspasóz qyzmeti.
Talqylaý barysynda Senattyń turaqty komıtetteriniń usynystary men eskertpelerin eskere otyryp, jobaǵa ózgerister men tolyqtyrýlar engizý qajettigi týyndady.
Otyrysta palatanyń turaqty komıtetterinen kelip túsken eskertpeler men usynystar eskerile otyryp, jobany talqylaý barysynda Májilis maquldaǵan zań jobasyna ózgerister men tolyqtyrýlar engizý qajettigi týyndady. Atap aıtqanda, zorlaǵany jáne nápsiqumarlyq sıpattaǵy is-áreketterdi kórineý on tórt jasqa tolmaǵan adamǵa qatysty jasaǵany úshin sanktsııa Qazaqstan Respýblıkasy Qylmystyq kodeksiniń 48, 58 jáne 96-baptaryna sáıkes keltirildi jáne on bes jyldan jıyrma jylǵa deıingi merzimge bas bostandyǵynan aıyrýǵa jazalanatyn bolyp belgilendi. Ata-ana, pedagog ne kámeletke tolmaǵan adamdy tárbıeleý jónindegi mindetter zańmen júktelgen ózge de adam jasaǵan jynystyq tıispeýshilikke qarsy qylmystar úshin qosymsha jazalaýdyń tómengi shegi ulǵaıtyldy.
Komıtet otyrysynda «1981 jylǵy 26 qyrkúıekte Naırobıde qabyldanǵan Olımpıada rámizin qorǵaý týraly Naırobı shartyn ratıfıkatsııalaý týraly» zań jobasy da qaraldy.
Zań jobasyna negiz bolǵan shart olımpıada rámizin kommertsııalyq maqsattarǵa tańba nemese basqa belgi retinde zańsyz paıdalanýdan qorǵaýǵa baǵyttalǵan.
Zań jobalary talqylaýdan keıin palatanyń qaraýyna usynylatyn boldy.
