Senat komıtetinde azamattyq zańnamany jetildirý týraly zań jobasy talqylandy
ASTANA. Qyrkúıektiń 24-i. QazAqparat - Búgin Senattyń Zańnama jáne quqyqtyq reformalar komıtetinde «Qazaqstan Respýblıkasynyń keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasy talqylandy.
Zań jobasyn ekinshi oqylymda qaraýǵa ázirlik barysynda oǵan tıisti ózgerister engizý jaıynda usynystar aıtyldy. Birdeı atalatyn zańdy tulǵalardy tirkeý rásimderin naqtylaý úshin Azamattyq kodekstiń 38 babynyń 2 tarmaǵy jańa mátinde beriletin boldy. Sondaı-aq osyndaǵy 319 baptyń 1-1 tarmaǵynyń ekinshi bóligi tolyqtyryldy. Bul aqshalaı mindetteme boıynsha salynatyn quqyqqa (talap) oraı eseptelgen qarjy somasy kepil ustaýshynyń kepilmen qamtamasyz etilgen mólsherinen asyp ketse nemese ol talaptardy qanaǵattandyra almasa bolatyn jaǵdaıdaǵy quqyqtyq olqylyqtardy tolyqtyratyn bolady.
Odan basqa, zań jobasynda kúshin joıǵan zańdarǵa qatysty ózgerister de bar. Olar «Qazaqstan Respýblıkasyndaǵy áýe keńistigin paıdalaný jáne avıatsııa qyzmeti týraly», «Azamattyq avıatsııany memlekettik retteý týraly», «Jer qoınaýy jáne jer qoınaýyn paıdalaný týraly» zańdar. Bul zańdar 2010 jylǵy 15 shildedegi «Qazaqstan Respýblıkasyndaǵy áýe keńistigin paıdalaný jáne avıatsııa qyzmeti týraly» zańy men 2010 jylǵy 24 maýsymdaǵy «Jer qoınaýy jáne jer qoınaýyn paıdalaný týraly» zańǵa sáıkes kúshin joıǵan bolatyn.
