Senat komıtetinde Áskerı-tehnıkalyq yntymaqtastyqtyń negizgi qaǵıdattary týraly zań jobasy talqylandy
TANA. 6 qyrkúıek. QazAqparat - Búgin Senattyń Halyqaralyq qatynastar, qorǵanys jáne qaýipsizdik komıtetinde «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi qaǵıdattary týraly kelisimge tolyqtyrýlar engizý týraly ekinshi hattamany ratıfıkatsııalaý týraly» zań jobasy talqylandy, dep habarlaıdy QR Parlamenti Senatynyń baspasóz qyzmeti.
Zań jobasyna negiz bolǵan qujat Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi qaǵıdattary týraly kelisim aıasynda ózara is-qımyldyń tıimdiligin arttyrýǵa baǵyttalǵan.
Hattamada UQShU-na qatysýshy memleketter arasyndaǵy 1992 jylǵy 15 mamyrdaǵy Áskerı-tehnıkalyq yntymaqtastyqtyń negizgi qaǵıdattary týraly kelisim kúshiniń tek ulttyq Qarýly Kúshterge ǵana emes, basqa da áskerlerge, áskerı qurlymdarǵa, quqyq qorǵaý jáne arnaıy qyzmetterge de taralatyny qarastyrylǵan.
Keńeıtilgen otyrysta «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi qaǵıdattary týraly kelisimniń sheńberinde jetkiziletin áskerı maqsattaǵy ónimderdiń nysanaly paıdalanylýyn baqylaýdy júzege asyrý tártibi týraly hattamaǵa tolyqtyrý engizý týraly ekinshi hattamany ratıfıkatsııalaý týraly»zań jobasy da qaraldy.
Zań jobasy UQShU-na múshe memleketterdiń transulttyq qaýip-qaterlerge qarsy is-qımyl salasyndaǵy yntymaqtastyqty nyǵaıtýǵa baǵyttalyp otyr.
Eki zań jobasy da palatanyń qaraýyna jiberildi.
