Senat komıtetinde aqsha belgilerin qoldan jasaýǵa qarsy kúres jónindegi zań jobasy talqylandy
ASTANA. Qazannyń 14-i. QazAqparat - Búgin Senattyń Zańnama jáne quqyqtyq máseleler komıtetinde «Aqsha belgilerin qoldan jasaýǵa qarsy kúres jónindegi halyqaralyq konventsııany jáne oǵan Hattamany ratıfıkatsııalaý týraly» zań jobasy talqylandy.
Bul Konventsııaǵa jáne oǵan Hattamaǵa aqsha belgilerin qoldan jasaýdyń aldyn alý jáne jolyn kesý salasyndaǵy yntymaqtastyqqa quqyqtyq negiz jasaý maqsatynda 1929 jylǵy 20 sáýirde Jenevada qol qoıylǵan bolatyn.
Konventsııada shartqa qatysýshy memleketterdiń shetelde jasyrynyp júrgen aqsha belgilerin qoldan jasaýshylar men ótkizýshilerin izdeý men ustap berýge qylmystyq-quqyqtyq kómek kórsetý kózdelgen.
Osy Konventsııa sheńberinde Qazaqstan Respýblıkasyózara quqyqtyq kómek kórsetý máseleleri boıynsha ózara is-qımyl jasaýdy Respýblıkanyń Bas prokýrory arqyly júzege asyrady.
Komıtet músheleri sondaı-aq «Qazaqstan Respýblıkasynyń keıbir zańnamalyq aktilerine norma shyǵarmashylyq qyzmetti jetildirý máseleleri boıynsha ózgerister men tolyqtyrýlar engizý týraly» zań jobasyn da qarady.
Eki zań jobasy da talqylanǵannan keıin palatanyń qaraýyna usynyldy.
