Senat komıtetinde 4 zań jobasy talqylandy
ASTANA. 23 jeltoqsan. QazAqparat - Búgin Senattyń Ekonomıkalyq jáne óńirlik saıasat komıtetinde «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Ekibastuz GRES-2 úshinshi blogyn salý jáne keıinnen paıdalaný týraly kelisimdi ratıfıkatsııalaý týraly»
jáne «Dúnıejúzilik poshta odaǵynyń Jarǵysyna Jetinshi hattamany ratıfıkatsııalaý týraly» zań jobalary talqylandy, dep habarlady QR Parlamenti Senatynyń baspasóz qyzmeti..
Komıtet sondaı-aq keńeıtilgen otyrysta «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» zań jobasy da qaraldy.
Zań jobasymen Ákimshilik quqyq buzýshylyq týraly kodekske, «Saýda qyzmetin retteý týraly», «Importtyq taýarlar jaǵdaıynda ishki naryqty qorǵaý sharaly týraly», «Agroónerkásip kesheni men aýyldyq aýmaqtardy damytýdy memlekettik retteý týraly», «Jeke kásipkerlik týraly», «Lıtsenzııalaý týraly» jáne «Memlekettik satyp alýlar týraly» zańdarǵa ózgerister engiziledi.
Zań jobasymen engiziletin ózgerister saýda qyzmetin júzege asyrý jáne eksporttyq taýarlardy ilgeriletý úderisterinde paıda bolatyn qatynastardy retteýdiń tıimdi júıesin jasaýdy maqsat etedi.
Joba aıasynda áleýmettik mańyzy bar azyq-túlik taýarlary baǵasyn turaqtandyrý maqsatynda olarǵa bólshek saýdaǵa shyǵarý baǵasynyń shegin belgileý quqyǵy Qazaqstan Respýblıkasynyń Úkimetine berildi.
Sondaı-aq qoldanystaǵy zańnamaǵa mehanıkalyq kólik quraldary men olarǵa tirkemelerin tehnıkalyq baıqaýdan ótkizý máseleleri týraly ózgeris engizý jóninde zań jobasy da qaraldy.
Qaralǵan zań jobalary palatanyń qaraýyna jiberildi.
