Senat komıtetinde 3 zań jobasy qaraldy
ASTANA. 29 naýryz. QazAqparat - Búgin Senattyń Halyqaralyq qatynastar, qorǵanys jáne qaýipsizdik komıtetinde «Qazaqstan Respýblıkasy men Italııa Respýblıkasy arasyndaǵy Strategııalyq áriptestik týraly shartty ratıfıkatsııalaý týraly» zań jobasy qaraldy.
Zań jobasy ekijaqty yntymaqtastyqty odan ári nyǵaıtý, strategııalyq áriptestikti jańa sapalyq deńgeıge jetkizýge yqpal etetin quqyqtyq bazasyn jasaýǵa baǵyttalǵan.
2009 jylǵy qarashada Rım qalasynda jasalǵan Sharttyń 1-babyna sáıkes, Qazaqstan men Italııa arasyndaǵy memleketaralyq qatynastar ózara teńdik pen senim, strategııalyq áriptestik jáne jan-jaqty yntymaqtastyq negizinde qurylady.
Komıtet otyrysynda «Shanhaı yntymaqtastyq uıymyna múshe memleketterdiń terrorızmge qarsy qurylymdary úshin kadrlar daıarlaý týraly kelisimdi ratıfıkatsııalaý týraly» zań jobasy da qaraldy.
2009 jylǵy maýsymda Ekaterınbýrg qalasynda jasalǵan Kelisim uıymǵa múshe memleketterdiń terrorızmge qarsy halyqaralyq yntymaqtastyǵyn nyǵaıtý salasyndaǵy quqyqtyq baza jasaýdy kózdeıdi.
Otyrysta sondaı-aq «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı qurylymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha tolyqtyrýlar engizý týraly» zań jobasy da qaraldy.
Jobamen Ákimshilik quqyq buzýshylyq týraly kodekske jáne «Qorǵanys jáne Qazaqstan Respýblıkasynyń Qarýly Kúshteri týraly» zańǵa tıisti tolyqtyrýlar engiziletin boldy.
Qaralǵan barlyq zań jobasy palata otyrysynda qaraýǵa jiberildi.
