Senat komıteti Joǵarǵy Sottyń sýdıalary boıynsha Elbasynyń usynymdaryn qarady

ASTANA. 30 sáýir. QazAqparat - Búgin Qazaqstan Respýblıkasy Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetinde elimizdiń Joǵarǵy Sotynyń sýdıalary Altynaı Baımuratova, Ǵalııa Maqajanova, Amangeldi Rysqalıev, Ibragım Toqbolatov jáne Aısulý Shaıkenovany qyzmetinen bosatý týraly Qazaqstan Prezıdentiniń usynymy qaraldy.

Otyrysta sondaı-aq Joǵary Sot Keńesiniń usynymyna negizdelgen Nurııa Sısenova, Janna Volkova, Aıgúl Qydyrbaevany Joǵarǵy Sottyń sýdıalary etip taǵaıyndaý týraly Qazaqstan Respýblıkasy Prezıdentiniń usynysy qaraldy. Komıtetke kandıdattardy Joǵarǵy sottyń Tóraǵasy Bektas Beknazarov tanystyrdy. Otyrys barysynda kandıdattar burynǵy qyzmetine, kásibı daıarlyqtary men etıkaǵa, otbasylyq jaǵdaıy jáne basqa da máselelerge qatysty senatorlardyń saýaldaryna jaýap berdi.

Otyrys qorytyndysy boıynsha Joǵarǵy Sot sýdıalaryna kandıdattardy Palata qaraýyna engizý uıǵaryldy.