Senat komıteti Jer kodeksindegi jekelegen erejelerdiń qoldanysyn toqtata turý týraly máseleni qarady
ASTANA. QazAqparat - Parlament Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasy Jer kodeksiniń jekelegen normalarynyń qoldanysyn jáne «Qazaqstan Respýblıkasynyń Jer kodeksine ózgerister men tolyqtyrýlar engizý týraly» 2015 jylǵy 2 qarashadaǵy Qazaqstan Respýblıkasy Zańynyń qoldanysqa engizilýin toqtata turý týraly» zań jobasy qaraldy.
Zań jobasy Qazaqstan Respýblıkasy Prezıdentiniń 2016 jylǵy 6 mamyrdaǵy «Jer zańnamasynyń keıbir normalaryn qoldanýǵa moratorıı engizý týraly» №248 Jarlyǵyn oryndaý maqsatynda ázirlendi.
Zań jobasynyń negizgi maqsaty Jer kodeksiniń jer paıdalaný jónindegi aýyl sharýashylyǵy maqsatyndaǵy jer berýdi (jalǵa alý) retteıtin jekelegen erejeleriniń qoldanylýyn 2016 jyldyń 31 jeltoqsanyna deıin toqtata turý bolyp tabylady. Sondaı-aq, 2015 jylǵy 2 qarashadaǵy «Qazaqstan Respýblıkasynyń Jer kodeksine ózgerister men tolyqtyrýlar engizý týraly» zańnyń keı¬bir normalarynyń jáne Jer kodeksiniń jekelegen normalarynyń qoldanysy 2016 jyldyń 31 jeltoq¬sanyna deıin toqta¬tyla tura¬tyn bolady.
Zań jobalary Palata qaraýyna jiberildi.
