Senat komıteti jeke basty kýálandyratyn qujattar týraly zań jobasyn talqylady

Eske salsaq, zań jobasynyń maqsaty - jeke basty kýálandyratyn qujatty rásimdeý, berý, aýystyrý, ótkizý, alyp qoıý jáne joıý talaptaryn belgileý. Qujat elimizdegi jeke basty kýálandyratyn qujattardyń quqyqtyq negizin aıqyndaýdy kózdeıdi. Sonymen qatar, zań jobasynda jeke basty kýálandyratyn sıpattaǵy qujatqa anyqtama biregeılendiriledi. Budan bólek, jeke basty kýálandyratyn qujattar túrleriniń tutastaı tizbeleri anyqtalady. Qujattandyrý salasyndaǵy ýákiletti memlekettik organnyń quzyreti aıqyndalady. Atap aıtqanda, zań jobasy boıynsha azamattyq quqyq­tyq kelisimderdi jasaıtyn Qazaqstan azamatynyń tólqujaty men jeke kýá­ligi, sheteldiktiń turýǵa quqyq be­retin jáne respýblıkada turaqty tu­ratyn azamattyǵy joq azamattyń je­ke kýáligi, sheteldik azamattyń shekaralyq tólqujaty sekildi qujat­tar­dyń tizimi aıqyndalyp otyr. Elimizdiń qu­zyr­ly oryndary bergen bul qu­jattar memlekettiń menshigi bolyp zań júzinde bekitilmek. Sonymen qatar, olardy berý já­ne jaramsyz dep tanýdyń negizderi dáıektelgen.

Senatta talqylaý barysynda zań jobasyna ózgerister men tolyqtyrýlar engizý týraly usynystar aıtyldy. Atap aıtqanda, zań jobasyna Qazaqstannyń Qylmystyq-is júrgizý kodeksinde qarastyrylǵan jaǵdaılarda júrgizýshi kýáligi men áskerı bıletti jeke basty kýálandyratyn qujattar retinde taný týraly tolyqtyrý engizý kózdelip otyr. Qujat palatanyń qaraýyna jiberiledi.