Senat komıteti Jambyl oblysynda jastar taqyryby boıynsha kóshpeli otyrys ótkizdi
ASTANA. 21 qyrkúıek. QazAqparat - Búgin Parlament Senaty Áleýmettik-mádenı damý komıtetiniń delegatsııasy Jambyl oblysyna jumys babyndaǵy saparmen keldi.
Senatorlar aımaqtaǵy óndiristik jáne áleýmettik nysandarda, joǵary oqý oryndarynda bolyp, eńbek ujymdarymen, jastar uıymdarynyń ókilderimen jáne oqýshy jastarmen kezdesti. Aımaqta bolǵan júzdesýlerde senatorlar jurtshylyqty Memleket basshysynyń jastardy qoldaý jónindegi tapsyrmalaryn oryndaý jónindegi Parlamentte atqarylyp jatqan jumystar týraly habardar etti.
Joǵarǵy palatadaǵy Áleýmettik-mádenı damý komıtetiniń depýtattary Taraz qalasynda «Qazaqstan Respýblıkasyndaǵy memlekettik jastar saıasaty týraly»zańynyń iske asyrý barysy jáne respýblıkadaǵy jastar saıasatynyń jaı-kúıi men quqyqtyq qamtamasyz etýdiń jetildirý týraly kóshpeli otyrys ótkizdi.
Sharaǵa Parlamenttiń jáne oblystyq máslıhattyń depýtattary, ortalyq jáne jergilikti organdardyń, qoǵamdyq uıymdardyń ókilderi qatysty.
Kóshpeli otyrysty asha kelip, Senattyń Áleýmettik-mádenı damý komıtetiniń tóraǵasy Aqan Bıjanov Prezıdent N.Nazarbaevtyń baǵdarlamalyq maqalasy men Nazarbaev Ýnıversıtetindegi ınteraktıvtik lektsııadan bastaý alatyn memlekettik jastar saıasaty jónindegi mindetterge egjeı-tegjeıli toqtaldy.
A.Bıjanov qýatty jáne órkendegen Qazaqstandy qurýǵa baǵyttalǵan áleýmettik jańǵyrtý úderisterindegi jastardyń mańyzdy rólin atap ótti.
«Qazirgi kezde Memleket basshysy jastar isin damytý jónindegi memlekettik organdardyń aldynda tórt negizgi baǵyt belgiledi. Olar - jastar qol jetkize alatyn sapaly bilim, laıyqty eńbekqysy bar turaqty jumys, otbasyn qurý úshin óz baspanasy jáne salamatty ómir saltyn ustaný múmkindigi bolýy», - dep atap ótti senator.
Sonymen birge Senat komıtetiniń tóraǵasy «bizdiń aldymyzda memlekettik jastar saıasatyn jónindegi zańnamany áleýmettik jańǵyrtý jaǵdaılaryna sáıkestendirý mindeti tur», - dep atap kórsetti.
Jastardyń ótkir máselelerin zerdeleýde Parlamentte qarqyndy jumystar júrgizilip, qoldanystaǵy zańdar toptamasyna taldaý jasaldy jáne ony odan ári jetildirý jóninde usynystar ázirlenýde. Kóshpeli otyrystyń, depýtattar kezdesýleriniń men qabyldaýlar qazaqstandyq jastardy qoldaý jáne memlekettik jastar saıasatyn jetildirý jónindegi jumystardyń mańyzdy bóligi,-dedi A.Bıjanov.
Sharaǵa qatysqan Jambyl oblysynyń ákimi Q.Bozymbaev, Senat depýtaty V.Redkokashın, bilim jáne ǵylym mınıstriniń orynbasary M.Sarybekov, «Nur Otan» HDP Jastar qanatynyń ókili E.Quralbaev, stýdent A.Ábdýálıeva jáne memlekettik jáne úkimettik emes uıymdardyń ókilderi memlekettik jastar saıasatyn jetildirý týraly oılaryn ortaǵa salyp, jan-jaqty pikir almasty. Kóshpeli otyrys barysynda aıtylǵan máseleler zań shyǵarý barysynda eskeriletin bolady.
Kóshpeli otyrysqa Senat depýtattary J.Erǵalıev, S.Jalmaǵambetova, Ǵ.Esim qatysty.
