Senat komıteti zańdy tulǵalardy tirkeýdi jeńildetýge baǵyttalǵan zań jobasyn talqylady
ASTANA. 29 qazan. QazAqparat - QazAqparat - Búgin QR Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy bolyp ótti. Onda senatorlar «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobasyn talqylady.
Eske salsaq, Májilis maquldaǵan qujattyń maqsaty zańdy tulǵalardy, olardyń fılıaldary men ókildikterin qurýdy jáne olardyń qyzmetin jeńildetý bolyp tabylady. Zań jobasyn qabyldaý oń quqyqtyq jáne áleýmettik-ekonomıkalyq jaǵdaı qalyptastyratyn bolady. Budan bólek, qujat elimizde kásipkerlikti damytý úshin qolaıly jaǵdaılar týǵyzýdy da kózdeıdi. Osynyń ózi halyqaralyq uıymdar reıtıngisinde Qazaqstannyń pozıtsııasyn joǵarylatýǵa sep bolady.
Al qujattaǵy basty jańalyqqa keletin bolsaq, onda ınternetpen tirkeýdi engizý arqyly shaǵyn kásipkerlik sýbektilerin tirkeýdiń ruqsat berý tártibin habarlama tártibine kóshirý kózdeledi. Kýáliktiń qaǵaz túrleri elektrondyq anyqtamaǵa aýystyrylady. Sharýashylyq seriktestikteri jarǵylaryn usynady jáne zańdy tulǵanyń ornalasqan jerin rastaıtyn qujatty joıý sharalary da kózdeledi.
Zań jobasy aldaǵy ýaqytta palatanyń jalpy otyrysyna shyǵarylatyn bolady.
