Senat komıteti terrorızmge qarsy is-qımyl máselelerin qamtyǵan zań jobasyn talqylady
ASTANA. 4 jeltoqsan. QazAqparat - Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy bolyp ótti.
Onda «Qazaqstan Respýblıkasynyń keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasy talqylany.
Atalǵan qujattyń maqsaty terrorızm qaýpiniń, sondaı-aq terrorıstik qaterler kórinisteriniń arta túsýin eskerip, lańkestikke qarsy is-qımyldyń memlekettik júıesin jetildirý bolyp tabylady. Osyǵan oraı ákimshilik quqyq buzýshylyq týraly kodekske terrorıstik turǵydan osal nysandardyń ataýlaryn naqtylaý, terrorızmge qarsy operatsııalardy júrgizý kezinde kúzet qyzmetin toqtata turý týraly talaptaryn buzǵany úshin jaýapkershilikti belgileý sekildi naqtylaýshy sıpattaǵy ózgerister engiziledi. Budan bólek lańkestikke qarsy is-qımyldyń jalpy memlekettik júıesi boıynsha el Prezıdenti men Úkimetiniń, sondaı-aq Ulttyq qaýipsizdik komıtetiniń ókilettikteri naqtylanady.
Terrorızm aktileriniń jolyn kesý úshin Qazaqstan Qarýly Kúshterin qoldanýdyń tártibi, sondaı-aq terrorızmge qarsy operatsııa rejimin engizý týraly halyqty habarlandyrýdyń tártibi aıqyndalady.
