Senat komıteti tarıftik emes retteý sharalaryna arnalǵan zań jobasyn qarady

ASTANA. 27 mamyr. QazAqparat - Búgin Qazaqstan Respýblıkasy Parlamenti Senaty Qarjy jáne bıýdjet komıtetiniń keńeıtilgen otyrysy bolyp ótti.

Onda «Qazaqstan Respýblıkasynyń keıbir zańnamalyq aktilerine Keden odaǵynda tarıftik emes retteý sharalaryn qoldaný máseleleri boıynsha ózgerister men tolyqtyrýlar engizý týraly» zań jobasy talqylandy. Bul týraly Senattyń baspasóz qyzmetinen habarlandy.

Eske salsaq, zań jobasynyń maqsaty elimizdiń zańnamasyn Memleket basshylary deńgeıindegi Eýrazııalyq ekonomıkalyq qoǵamdastyqtyń Memleketaralyq Keńesiniń (Keden odaǵynyń joǵary organy) tarıftik emes retteý salasyn 2009 jylǵy 27 qarashadaǵy sheshimge sáıkes keltirý bolyp tabylady. Budan bólek, qujat Keden odaǵyna qatysýshy memleketterdiń ulttyq zańnamasyn birizdendirýge, kórsetilgen kelsimderge qatysýshy bolyp tabylmaıtyn memleketterge qatysty biryńǵaı tarıftik emes retteý sharalaryn qoldanýǵa yqpal etedi. Sonymen qatar, qujatta zań qabyldanǵan jaǵdaıdaǵy týyndaıtyn qoldanystaǵy zańnamadaǵy quqyqtyq olqylyqtar men kollızııalardy joıý normalary da kózdeledi.

Qujat palatanyń jalpy otyrysyna shyǵarylatyn bolady.