Senat komıteti poshta odaǵynyń jarǵysyna engizilgen hattamany talqylady
ASTANA. 1 naýryz. QazAqparat /Qanat Mámetqazyuly/ - Búgin QR Parlamenti Senaty Ekonomıkalyq damý jáne óńirlik saıasat komıtetiniń keńeıtilgen otyrysy bolyp ótti.
Onda senatorlar «Dúnıejúzilik poshta odaǵynyń Jarǵysyna Segizinshi qosymsha hattamany ratıfıkatsııalaý týraly» zań jobasyn talqylady.
Esterińizge sala keteıik, Dúnıejúzilik poshta odaǵy Birikken Ulttar Uıymynyń mamandandyrylǵan mekemesiniń mártebesi bar halyqaralyq uıym bolyp tabylady. Al Qazaqstan 1992 jyldan beri Dúnıejúzilik poshta odaǵyna tolyq quqyqty múshe memleket bolyp otyr.
Hattama erejelerinde olardyń taǵaıyndalǵan operatorlary Dúnıejúzilik poshta odaǵynyń quramyna kirmeıtin aýmaqtarǵa qyzmet kórsetetin múshe elder basqa múshe elder úshin deldal bolýǵa mindetti dep aıqyndalǵan. Budan bólek, qujattyń 3-babyna sáıkes, Dúnıejúzilik poshta odaǵyna múshe elder nemese olardyń taǵaıyndaǵan operatorlary óńirlik odaqtar qura alady jáne halyqaralyq poshta qyzmeti týraly arnaıy kelisimder jasasa alady. Bul rette olar múddeli múshe elder qatysýshysy bolyp tabylatyn aktilerde kózdelgen erejelerden qolaısyzdaý erejelerdi engizbeýleri tıistigi qarastyrylyp otyr.
Zań jobasy palatanyń jalpy otyrysyna shyǵarylatyn boldy.
