Senat komıteti pornografııalyq basylymdar aınalymy men ony saýdalaýdyń jolyn kesetin jobany talqylady
ASTANA. 22 sáýir. QazAqparat - Búgin QR Parlamenti Senatynda «1923 jylǵy 12 qyrkúıekte Jenevada jasalǵan, 1947 jylǵy 12 qarashada Nıý -Iork, Leık Saksesste qol qoıylǵan Hattamaǵa sáıkes engizilgen túzetýlermen Pornografııalyq basylymdar aınalymynyń jáne olardy saýdalaýdyń jolyn kesý týraly halyqaralyq konventsııany ratıfıkatsııalaý týraly» zań jobasy talqylandy.
Konventsııada oǵan qosylǵan memleketterdiń pornografııa salasyndaǵy quqyq buzýshylyqtardy ashý, qýdalaý, olardy jazalaý boıynsha mindettemelerdi qabyldaý kózdeledi. Sonymen birge, qujat boıynsha pornografııalyq ónimderdiń aınalymy krımınalızatsııalanady.
Atap aıtqanda, pornografııalyq sıpattaǵy materıaldardy taratý nemese kópshilikke kórsetý maqsatynda daıyndaý nemese saqtaý, jeke ózi nemese basqa adam arqyly pornografııalyq sıpattaǵy materıaldardy aınalysqa shyǵarý qylmysqa jatatyn bolady. Pornografııalyq materıaldardyń kez kelgenimen baılanysty qoǵamdyq nemese jeke bıznesti júrgizý nemese soǵan qatysý, olardy satý maqsatynda jarnamalaý nemese jarııa etýler de krımınalızatsııalaýǵa jatady.
Konventsııany qabyldaý qatysýshy memleketterdiń pornografııalyq basylymdardyń aınalysyna jáne olardy saýdalaýǵa qarsy kúres salasyndaǵy halyqaralyq yntymaqtastyqty arttyrýǵa múmkindik beredi. Osy saladaǵy biryńǵaı kelisilgen saıasat qurylyp, pornografııamen kúres máseleleri boıynsha biryńǵaı júıelengen quqyqtyq derekqor qalyptastyrý múmkindigi artady.
Zań jobasy aldaǵy ýaqytta palatanyń jalpy otyrysynda talqylanady.
