Senat komıteti óńirlik turaqtandyrý qorlaryn qurýǵa baǵyttalǵan jobany talqylady
ASTANA. 12 maýsym. QazAqparat - Búgin Senattyń tabıǵatty paıdalaný jáne aýyldyq aýqmaqtardy damytý komıtetiniń keńeıtilgen otyrysy bolyp ótti.
Onda depýtattar «Qazaqstan Respýblıkasynyń keıbir zańnamalyq aktilerine agroónerkásiptik keshendi damytý jáne qoldaý máseleleri boıynsha ózgerister men tolyqtyrýlar engizý týraly» zań jobasyn talqylady.
Eske sala keteıik, atalǵan zań jobasyna Parlamenttiń bir top depýtaty bastamashylyq jasaǵan bolatyn. Qujattyń maqsaty azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný úshin zańnamalyq baza qurý bolyp tabylady. Bul rette Turaqtandyrý qory maýsymaralyq kezeńde tıisti ákimshilik-aýmaqtyq birliktiń agroónerkásiptik naryǵyna retteýshilik yqpal jasaıtyn, azyq-túlik qaýipsizdigin qamtamasyz etý úshin paıdalanylatyn, sondaı-aq astyqty qospaǵanda, azyq-túlik taýarlarynyń jedel qoryn bildiredi. Bul qor saqtalý merzimi 6 aıdan asatyn áleýmettik mańyzy bar azyq-túlik taýarlarynyń tizbesi boıynsha qalyptasatyn bolady.
Sonymen birge, zań jobasymen ósimdikterdi qorǵaýdyń ınnovatsııalyq ádisterin engizýdi kózdeıtin normalar engizildi. Osyǵan oraı, respýblıkamyzda qoldanylatyn otandyq óndiris gerbıtsıdteriniń assortımenti óte az ekendigin eskere otyryp, Májilis depýtattary shyǵatyn eline qaramastan gerbıtsıdterdiń barlyq túrlerin sýbsıdııalaýdy usynǵan bolatyn.
Qujat aldaǵy ýaqytta Senattyń jalpy otyrysynyń talqysyna shyǵarylatyn bolady.
