Senat komıteti memlekettik-jeke menshik áriptestikke arnalǵan zań jobasyn talqylady
ASTANA. 17 maýsym. QazAqparat - Búgin Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń keńeıtilgen otyrysy bolyp ótti.
Onda «QR keıbir zańnamalyq aktilerine memlekettik-jeke menshik áriptestiktiń jańa túrlerin engizý jáne olardyń qoldanylý salalaryn keńeıtý máseleleri boıynsha ózgerister men tolyqtyrýlar engizý týraly» zań jobasy birinshi oqylymda talqylandy.
Atalǵan zań jobasy Memleket basshysynyń 2012 jylǵy 27 qańtardaǵy «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýyn iske asyrý maqsatynda ázirlengen bolatyn.
Zań jobasy Qazaqstan Respýblıkasynyń birqatar zańnamalyq aktilerine memlekettik-jeke menshik áriptestiktiń jańa túrlerin, kelisimsharttyq memlekettik-jeke menshik áriptestiktiń jańa úlgilerin engizýge, olardyń qoldanylý salalaryn keńeıtýge jáne jeke sektorǵa áleýmettik baǵyttaǵy ınvestıtsııalyq jobalar boıynsha tartymdy jaǵdaılar jasaýǵa baǵyttalǵan ózgerister men tolyqtyrýlar engizýdi kózdeıdi.
Zań jobasy memlekettik-jeke menshik áriptestik kezinde jobalardy iske asyrý úshin kapıtal tartýdyń múmkindigin qamtamasyz etetin quqyqtyq negiz jasaýǵa yqpal etedi. Munyń ózi Qazaqstan óńirlerine oń áleýmettik-ekonomıkalyq áserin tıgizedi.
Tujyrymdamalyq turǵyda maquldanǵan zań jobasy Palatanyń qaraýyna jiberildi.
