Senat komıteti memlekettik basqarý organdary arasyndaǵy ókilettikterdiń arajigin ajyratatyn zań jobasyn qarady
ASTANA. 27 mamyr. QazAqparat - Búgin Qazaqstan Respýblıkasy Parlamenti Senaty Ekonomıkalyq damý jáne kásipkerlik komıteti «Qazaqstan Respýblıkasynyń keıbir zańnamalyq aktilerine memlekettik basqarý organdary arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasyn qarady.
Zań jobasy ótken jylǵy qarasha aıynda barlyq deńgeıdegi ákimderdiń qatysýymen ótken keńeste Memleket basshysy bergen tapsyrmany, sondaı-aq «Qazaqstan - 2050» Strategııasy: qalyptasqan memlekettiń jańa saıası baǵyty» Joldaýynda aıtylǵan mindetterdi iske asyrý maqsatynda ázirlengen bolatyn. Bul rette qujat boıynsha memlekettik organdardyń mindetterin bekitý zańnamalyq turǵyda retteý, memlekettik basqarý deńgeıleri arasyndaǵy ókilettikterdiń qaıtalanýyn alyp tastaý jáne jergilikti atqarýshy organdardy nyǵaıtý kózdeledi. Sondaı-aq memlekettik basqarýdyń tıimdi júıesin qurý maqsatynda ortalyq jáne jergilikti atqarýshy organdar arasyndaǵy memlekettik basqarýdyń meılinshe ońtaıly deńgeıin anyqtaý qarastyrylady.
Zań jobasymen birqatar zańnamalyq aktilerge túzetýler engizý kózdelip otyr. Tujyrymdamalyq turǵyda maquldanǵan zań jobasy Palatanyń jalpy otyrysynda birinshi oqylymda qaraýǵa jiberiledi.
