Senat komıteti «Quqyqtyq aktiler týraly» zań jobasyn talqylady
ASTANA. QazAqparat - Búgin Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy bolyp ótti. Onda «Quqyqtyq aktiler týraly» zań jobasy talqylandy.
«Zań jobasy derbes mánge ıe memlekettik organdar shyǵaratyn aktiler men normatıvtik quqyqtyq aktilerdi ózine biriktiredi. Qoldanystaǵy «Normatıvtik-quqyqtyq aktiler týraly» zańnyń erejelerine qatysty júıelendirý, ıerarhııa, zańnamalyq aktiler deńgeıleri jáne basqa da normatıvtik-quqyqtyq aktiler saqtalady. Degenmen, buǵan deıin «Ákimshilik protsedýralar týraly» zańnyń normalary aıtarlyqtaı ózgeristerge ushyraıdy. Bunda másele jeke qoldanylatyn aktilerge qatysty bolyp otyr, oǵan qatysty uǵymdar da keńeıedi», - dedi Ádilet vıtse-mınıstri Záýresh Baımoldına.
Onyń aıtýynsha, zań jobasymen normatıvtik emes sıpattaǵy birqatar aktiler engiziledi.
Qujat aldaǵy ýaqytta ótetin Senattyń jalpy otyrysyna shyǵarylady.
