Senat komıteti keńeıtilgen otyrysta memlekettik bajdyń mólsherine qatysty kelisimdi talqylady
ASTANA. 5 naýryz. QazAqparat - Búgin Parlament Senatynyń Qarjy jáne bıýdjet komıtetiniń keńeıtilgen otyrysy bolyp ótti. Onda senatorlar «1993 jylǵy 24 jeltoqsandaǵy Ártúrli memleketterdiń sharýashylyq júrgizýshi sýbektileri arasyndaǵy sharýashylyq daýlardy qaraý kezindegi memlekettik bajdyń mólsheri men ony óndirip alý tártibi týraly kelisimge ózgerister engizý týraly hattamany ratıfıkatsııalaý týraly» zań jobasyn talqylady. Bul týraly senattyń baspasóz qyzmetinen habarlandy.
Eske sala ketsek, atalǵan zań jobasy buǵan deıin Májilispen maquldanǵan bolatyn. Al Hattamaǵa 2010 jylǵy 10 jeltoqsanda Máskeýde qol qoıylǵan. Qujattyń maqsaty Kelisimdi ýaǵdalasýshy Taraptardyń sottaryna beriletin talap aryzdar boıynsha memlekettik bajdy tóleý tártibin naqtylaıtyn normalarmen tolyqtyrý bolyp tabylady. Hattamamen Táýelsiz Memleketter Dostastyǵyna qatysýshy memleketterdiń sot-tórelik organdaryna memlekettik bajdy tóleýdiń biryńǵaı aqshalaı balamasy retinde Reseı Federatsııasynyń rýbli belgilengen. Memlekettik bajdy ózge valıýtada tóleý sot ornalasqan memlekettiń zańnamasynda belgilengen jaǵdaılarda jáne tártippen júrgiziledi.
Zań jobasy Palatanyń aldaǵy otyrysynyń qaraýyna jiberiledi.
