Senat komıteti kedendik bajdardy óndirip alýdyń erekshelikterin qamtyǵan qujatty talqylady

ASTANA. 30 qańtar. QazAqparat -Búgin Parlament Senaty Qarjy jáne bıýdjet komıtetiniń keńeıtilgen otyrysy bolyp ótti. Onda «2010 jylǵy 21 mamyrdaǵy Kedendik tranzıttiń kedendik rásimine sáıkes tasymaldanatyn taýarlarǵa qatysty kedendik bajdardy, salyqtardy tóleýdi qamtamasyz etýdi usynýdyń keıbir máseleleri, kedendik bajdardy, salyqtardy óndirip alýdyń erekshelikteri týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy qaraldy.

Zań jobasyna negiz bolǵan Hattamaǵa Keden odaǵyna qatysýshy elder 2011 jylǵy 19 jeltoqsanda Máskeýde qol qoıǵan.

Qujat dıplomatııalyq ókildiktiń personal músheleriniń, shet memlekettiń konsýldyq mekemesi qyzmetkerleriniń jáne solarǵa teńestirilgen halyqaralyq uıymdar organdarynyń jáne mıssııa ókilderiniń, sondaı-aq ózderimen birge turatyn otbasy músheleriniń jeke paıdalanýyna arnalǵan taýarlarǵa qatysty kedendik bajdar men salyqtar tóleý talap etilmeıtin qosymsha jaǵdaılardy belgileıdi. Bundaı ózgerister mádenı, ǵylymı-zertteý maqsattarynda paıdalanýǵa, sporttyq jarystar ótkizýge, dúleı zilzalalardyń, apattardyń saldaryn joıýǵa arnalǵan taýarlarǵa qatysty bolady.

Zań jobasy palatanyń jalpy otyrysyna shyǵarylatyn bolyp kelisildi.