Senat komıteti Qazaqstan men Benılıýks memleketteri arasyndaǵy readmıssııa týraly kelisimdi talqylady
ASTANA. QazAqparat - Búgin Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda senatorlar «Qazaqstan Respýblıkasy men Benılıýks memleketteri (Belgııa Koroldigi, Lıýksembýrg Uly Gertsogtigi jáne Nıderland Koroldigi) arasyndaǵy readmıssııa týraly kelisimdi jáne Qazaqstan Respýblıkasy men Benılıýks memleketteri (Belgııa Koroldigi, Lıýksembýrg Uly Gertsogtigi jáne Nıderland Koroldigi) arasyndaǵy readmıssııa týraly kelisimdi iske asyrý hattamasyn ratıfıkatsııalaý týraly» zań jobasyn talqylady.
Eske salaıyq, atalǵan hattamaǵa 2015 jyldyń 2 naýryzynda Brıýsselde qol qoıylǵan bolatyn. Kelisim men hattamanyń maqsaty taraptar aýmaǵynda zańsyz bolatyn adamdardy qabyldaýdy jáne shyǵaryp jiberýge jatatyn adamdardyń tranzıtin jalpyǵa birdeı qabyldanǵan halyqaralyq quqyq normalaryna sáıkes ońaılatý bolyp tabylady. Bul rette suraý salatyn Tarap suraý salýshy taraptyń aýmaǵyna kirý, onda bolý nemese turý sharttaryn oryndamaıtyn nemese oryndaýdy toqtatqan kez kelgen adamdy ótinishhattar boıynsha óz aýmaǵyna qabyldaıtyn bolady. Sonymen qatar qujat eki memlekettiń aýmaǵyna kirý jáne bolý sharttaryn buzǵan adamdardy anyqtaýdy jáne olardy qaıtarýdy kózdeıdi. Bul sanatqa elimizdiń aýmaǵyna zańsyz kirgen nemese zańdy kirip, vızasy, ruqsat merzimi ótip ketkendikten sonda qalǵan adamdar jatady. Kelisimdi qabyldaý zańsyz kóshi-qonmen kúresýge múmkindik beredi, elderdiń aýmaǵynda zańsyz júrgen adamdardy halyqaralyq quqyqqa sáıkes qabyldaýdy, olardyń tranzıtin jeńildetedi. Talqylaýdan soń komıtet zań jobasyn palatanyń jalpy otyrysyna shyǵarý týraly sheshim qabyldady.
