Senat komıteti halyqaralyq kelisimderdi ratıfıkatsııalaýǵa qatysty zań jobalaryn qarastyrdy
ASTANA. QazAqparat - Búgin Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda halyqaralyq kelisimderdi ratıfıkatsııalaý boıynsha zań jobalary qaraldy.
Atap aıtqanda, jıynda «Azamattyq úderistiń máseleleri boıynsha Konventsııany ratıfıkatsııalaý týraly» zań jobasy talqylandy. Atalǵan Konventsııanyń tártibi azamattyq úderisti iske asyrý turǵysynda osy qujatqa qatysýshy elderdiń memlekettik organdarynyń ózara is-qımyly maqsatynda biregeı halyqaralyq-quqyqtyq negizderdi qurýǵa baǵyttalǵan. Sonymen qatar komıtet músheleri QR azamattarynyń RF aýmaǵynda jáne RF azamattarynyń QR aýmaǵynda bolýy tártibi týraly Qazaqstan Respýblıkasy men Reseı Federatsııasy arasyndaǵy kelisimdi ratıfıkatsııalaý týraly zań jobasyn qarastyrdy. Bul kelisim 30 kún boıy taraptardyń quzyretti organdarynda mindetti tirkeýsiz eki el azamattarynyń jeńildikti tártipte júris-turysyn bekitýge baǵyttalǵan. Budan bólek, otyrysta ruqsatsyz kelgen azamattardyń readmıssııasy týraly QR Úkimeti men Shveıtsarııa Federaldyq keńesi arasyndaǵy kelisimdi ratıfıkatsııalaý jónindegi zań jobasy talqyǵa salyndy. Talqylaýlardan keıin qujattar Palata qaraýyna usynyldy.
