Senat komıteti EýrAzEQ elderiniń ortaq saqtandyrý naryǵy qurý týraly hattamany ratıfıkatsııalaý týraly zań jobasy boıynsha qorytyndy ázirleıdi
ASTANA. 17 qyrkúıek. QazAqparat - Búgin Qaırat Mámıdiń tóraǵalyq etýimen Parlament Senatynyń Bıýro otyrysy boldy. Onda Májiliste maquldanǵan zań jobalary Senattyń turaqty komıtetteri men palata Apparatyna bólinip berildi.
Bıýroda «Mıkroqarjy uıymdary týraly» jáne «Qazaqstan Respýblıkasynyń keıbir zańnamalyq aktilerine mıkroqarjy uıymdarynyń qyzmeti máseleleri boıynsha ózgerister men tolyqtyrýlar engizý týraly» zań jobalaryn odan ári pysyqtaý úshin Qarjy jáne bıýdjet komıteti bas komıtet bolyp belgilendi.
«Eýrazııalyq ekonomıkalyq qoǵamdastyqqa múshe memleketterdiń ortaq saqtandyrý naryǵyn qurý týraly hattamany ratıfıkatsııalaý týraly» zań jobasy boıynsha qorytyndy ázirleý de osy komıtetke tapsyryldy.
«Qazaqstan Respýblıkasynyń Úkimeti men Avstrııa Respýblıkasynyń Úkimeti arasyndaǵy Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» zań jobasyn odan ári zerdeleýge Ekonomıkalyq damý jáne kásipkerlik komıteti bas komıtet bolyp belgilendi.
