Senat komıteti eńbek etetin erler men áıelderge teń qaraýdy qamtıtyn qujatty talqylady
ASTANA. 9 qazan. QazAqparat - Búgin QR Parlamenti Senatynyń Áleýmettik-mádenı damý komıtetiniń keńeıtilgen otyrysy bolyp ótti.
Onda «Otbasylyq mindettermen eńbek etetin eńbekshi erler men áıelderge arnalǵan teń qaraý jáne teń múmkindikter týraly konventsııany (156-konventsııa) ratıfıkatsııalaý týraly» zań jobasy talqylandy.
Atalmysh Konventsııa Halyqaralyq eńbek uıymynyń Bas konferentsııasynda 1981 jylǵy 23 maýsymda Jenevada qabyldanǵan bolatyn. Qujattyń maqsaty otbasylyq mindettermen eńbek etetin eńbekshi erler men áıelderge teń qaraý jáne teń múmkindikter belgileý bolyp tabylady.
Konventsııa otbasylyq mindetterdi birlesip oryndaýdaǵy erler men áıelderdiń rólin moıyndaıdy. Atalǵan adamdardy kemsitýge, ásirese jumystan bosatý kezinde kemsitýge tyıym salady. Mektepke deıingi balalar mekemeleriniń jáne bala kútimi men otbasyna kómek kórsetý jónindegi basqa da mekemelerdiń jetkilikti sanyn qamtamasyz ete otyryp, memlekettiń olardy qoldaý mindetterin retteıdi.
Zań jobasy palatanyń otyrysynda qaraýǵa jiberildi.
