Senat komıteti densaýlyq saqtaý máselelerine arnalǵan jobany talqylady
ASTANA. 5 maýsym. QazAqparat - Búgin Senattyń Áleýmettik-mádenı damý komıtetiniń keńeıtilgen otyrysy bolyp ótti.
Onda «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrý engizý týraly» zań jobasy talqylandy.
Esterińizge sala keteıik, zań jobasynyń maqsaty Memlekettik (mýnıtsıpaldyq) satyp alýlar týraly ratıfıkatsııalanǵan kelisimge jáne 2012 jylǵy qańtarda qabyldanǵan «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» zańǵa baılanysty týyndaǵan patsıenttiń medıtsınalyq uıymdy erkin tańdaý quqyǵy men halyqqa medıtsınalyq kómek kórsetýdiń qol jetimdiligin qamtamasyz etý jónindegi olqylyqty joıý bolyp tabylady. Zań jobasynyń negizgi maqsaty Qazaqstan Respýblıkasynyń azamattary men oralmandardyń tegin medıtsınalyq kómektiń kepildik berilgen kólemine quqyqtaryn iske asyrýdy qamtamasyz etý bolyp tabylady. Soǵan oraı, «Halyq densaýlyǵy jáne densaýlyq saqtaý júıesi týraly» kodekske jáne «Memlekettik satyp alý týraly» zańǵa túzetýler engizý kózdeledi.
Qujatqa Parlamenttiń bir top depýtattary, atap aıtqanda G. Isimbaeva, G. Seıitmaǵanbetova, S. Jalmaǵanbetova, Q. Ydyrysovtar bastamashylyq jasaǵan bolatyn.
