Senat komıteti «Batys Eýropa-Batys Qytaı» dálizin qarjylandyrýǵa arnalǵan jobany qarady
ASTANA. 9 jeltoqsan. QazAqparat - Búgin QR Parlamenti Senaty Ekonomıkalyq damý jáne kásipkerlik komıtetiniń keńeıtilgen otyrysy bolyp ótti. Onda Qazaqstan men Eýropa Qaıta Qurý jáne Damý Banki arasyndaǵy Qaryz týraly kelisimge №1 Qosymsha kelisimdi ratıfıkatsııalaý týraly zań jobasy qaraldy. Bul týraly palatanyń baspasóz qyzmetinen habarlandy.
Qujatqa sáıkes, bul Kelisimdi (Ońtústik - Batys jol dáliziniń jobasy «Batys Eýropa - Batys Qytaı» halyqaralyq tranzıt dálizi) iske asyrý kólik dálizi ótetin aımaqty ekonomıkalyq damytýǵa, sondaı-aq elimizdiń kólik júıesiniń tıimdiligi men senimdiligin arttyrýǵa yqpal etedi. Otyrysta depýtattar Qazaqstan men Azııa Damý Banki arasyndaǵy Qaryz týraly kelisimdi ratıfıkatsııalaý týraly zań jobasyn da qarady. Kelisimniń maqsaty Azııa Damý Bankinen «Shetpe-Aqtaý» avtomobıl jolynyń 170 shaqyrym bolatyn bóligin qarjylandyrýǵa, sondaı-aq qurylysty qadaǵalaý sharalary úshin Qazaqstan Respýblıkasyna beriletin qaryzyn qarastyrý bolyp tabylady. Kelisimdi iske asyrý respýblıkanyń jáne Mańǵystaý oblysynyń aýmaǵynan halyqaralyq kólik tasymalyn ulǵaıtýǵa, ınfraqurylymdardy damytýǵa, halyqty jumysqa tartý men ál-aýqatyn arttyrýǵa múmkindik beredi, sóıtip, aımaqtyń jáne tutas elimizdiń ekonomıkasyna oń áserin tıgizetin bolady. Eki qujat ta Palatanyń qaraýyna jiberildi.
