Senat komıteti balalardy halyqaralyq urlaýdyń azamattyq-quqyqtyq aspektileri týraly zań jobasyn talqylady
ASTANA. 16 qazan. QazAqparat -Búgin Senattyń Konstıtýtsııalyq zańnama, sot júıesi jáne quqyq qorǵaý organdary komıtetinde «Balalardy halyqaralyq urlaýdyń azamattyq-quqyqtyq aspektileri týraly konventsııany ratıfıkatsııalaý týraly» zań jobasy talqylandy.
Konventsııa balalardy urlaýmen kúres, balalardy zańsyz alyp ketý nemese tartyp alýdan qorǵaý, balalardy turaqty turatyn memleketine jedel qaıtarý úshin biryńǵaı rásimder qalyptastyrý salasyndaǵy Konventsııaǵa qatysýshy basqa memlekettermen halyqaralyq yntymaqtastyqty nyǵaıtýǵa baǵyttalǵan. Gaagada 1980 jylǵy qazanda qol qoıylǵan Konventsııaǵa álemniń 87 eli qatysady.
Zań jobasy palatanyń qaraýyna jiberildi.
