Senat komıteti Ákimshilik quqyq buzýshylyq kodeks jobasyn talqylady
ASTANA. QazAqparat - Búgin Parlament Senaty Halyqaralyq qatynastar, qorǵanys jáne qaýipsizdik komıteti otyrysyn ótkizip, onda Qazaqstan Respýblıkasynyń Ákimshilik quqyq buzýshylyq týraly kodeksiniń jobasy talqylandy.
Eske sala keteıik, kodeks jobasy ákimshilik zańnamany eleýli túrde reformalaýǵa baǵyttalady. Bul rette ákimshilik zańnamany izgilendirý, sottarǵa júktemeni azaıtý sharalary qarastyrylady. Osyǵan balanysty sottardyń jáne ákimshilik quqyq buzýshylyq týraly isterdi qaraýǵa ýákilettilik berilgen organdardyń quzyreti qaıta qaralady. Kodeks jobasyna sáıkes, aıyppuldyń absolıýttik belgili bir mólsheri kózdeledi. Bul ákimshilik jaza shyǵarý kezinde sybaılas jemqorlyq faktilerin joıýǵa múmkindik beredi. Zań jobasy aldaǵy ýaqytta palatanyń jalpy otyrysyna shyǵarylady.
