Senat keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister engizý týraly zań jobasyn birinshi oqylymda maquldady

Atalǵan zań jobasymen tanystyrǵan QR Іshki ister mınıstrliginiń birinshi vıtse-mınıstri Marat Demeýovtiń atap ótýinshe, onyń negizgi maqsaty - qylmystyq uıymdasqan nysandaryna qarsy is-qımyldyń memlekettik tetikterin kúsheıtý, oǵan qarsy kúrestiń jańa nysandary men ádisterin engizý, qarjylyq kózderin, sondaı-aq oǵan memlekettik qyzmetshilerdiń qatysý faktilerin joıý bolyp tabylady.

Joba múlikti tárkileý túrinde mindetti qosymsha jazalaýdy, shartty túrde sottaý, sharty túrde merziminen buryn bosatý sharalarynyń qoldanylýyn shekteýdi, kámiletke tolmaǵandardy uıymdasqan qylmysqa jáne transulttyq uıymdasqan qylmysqa tartqany úshin jaýapkershilikti qatańdatýdy kózdeıdi.

Senatorlar tarapynan birinshi oqylymda maquldanǵan zań jobasyn bas komıtet ekinshi oqylymǵa ázirleıtin boldy.