Senat keıbir konstıtýtsııalyq zańdarǵa túzetýlerdi qabyldady
ASTANA. QazAqparat - QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» QR Zańyn qabyldady, dep habarlaıdy QazAqparat.
«Ádilet mınıstrligi sot júıesi, «Astana» halyqaralyq qarjy ortalyǵy qyzmeti, Konstıtýtsııalyq Keńes jáne memlekettik rámizder máselelerin odan ári jetildirý maqsatynda Konstıtýtsııalyq zań jobasyn ázirledi. Zań jobasy 6 konstıtýtsııalyq zańǵa túzetýlerdi kózdeıdi», - dep atap ótti Ádilet mınıstri Marat Beketaev óz baıandamasynda.
Sot júıesin jetildirege toqtalsaq, oblystyq sot sýdıasy laýazymyna kandıdat úshin jazbasha kepilgerlikke oblystyq sot sýdıalary qol qoıatyn bolady. Eger konkýrsqa basqa oblystyń sýdıasy qatyssa, onda jazbasha kepilgerlikke Joǵarǵy Sottyń sýdıasy qol qoıady.
Budan bólek, «Astana» halyqaralyq qarjy ortalyǵy týraly» Konstıtýtsııalyq Zańyna tıisti ózgerister kózdelgen. Bul rette elimizdiń Konstıtýtsııasyna sáıkestendirý maqsatynda Astana qalasynyń shegindegi aýmaqta qoldanylatyn erekshe quqyqtyq rejim qarjy salasynda ekeni naqtylanady. Ortalyqtyń organdary retinde ortalyqty basqarýshy jáne halyqaralyq tórelik ortalyǵy qosylady.
«Ortalyqqa bólingen bıýdjet qarajatyn paıdalanýdy baqylaý tártibin Qarjy mınıstrligi men Ortalyqtyń basqarýshysy birlesip júzege asyratyn bolady. Ortalyq sotynyń tórǵasy men sýdıalaryn basqarýshynyń usynysy boıynsha Elbasy taǵaıyndap, qyzmetinen bosatady», - dedi mınıstr.
-0-
