Senat Keden odaǵynyń sanıtarııalyq sharalar jónindegi kelisimine ózgerister engizgen hattamany qabyldady
ASTANA. 6 qańtar. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «2009 jylǵy 11 jeltoqsandaǵy Keden odaǵynyń sanıtarııalyq sharalar jónindegi kelisimine ózgerister engizý týraly hattamany ratıfıkatsııalaý týraly» QR Zańyn qabyldady.
Parlament qabyldaǵan zań endi Memleket basshysynyń qol qoıýyna jiberiledi.
Zańnyń maqsaty - Keden odaǵynyń kedendik aýmaǵyn ınfektsııalyq jáne jappaı ınfektsııalyq emes aýrýlardyń (ýlanýlardyń) halyq arasynda taralýynan saqtaný sharalaryn qamtıdy. Bul rette Hattama sanıtarııalyq-epıdemıologııalyq talaptarǵa sáıkes kelmeıtin ónimniń (taýarlardyń) ákelinýinen qorǵaýǵa baǵyttalǵan, Keden odaǵyna múshe memlekettermen sanıtarııalyq-epıdemıologııalyq salaýattylyq salasynda birlesken ári tıimdi is-qımyl júrgizýdi qamtamasyz etedi.
