Senat Keden odaǵynyń komıssııasy týraly shartqa ózgerister engizgen hattamany qabyldady
TANA. 20 qazan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «2007 jylǵy 6 qazandaǵy Keden odaǵynyń komıssııasy týraly shartqa ózgerister men tolyqtyrýlar engizý týraly hattamany ratıfıkatsııalaý týraly» QR zańy qabyldandy.
Keden odaǵynyń komıssııasy týraly shartqa ózgerister men tolyqtyrýlar engizý týraly hattamaǵa 2010 jylǵy 9 jeltoqsanda Máskeý qalasynda qol qoıylǵan.
Bul rette qujat Keden odaǵy komıssııasynyń tıimdiligin arttyrýǵa baǵyttalady jáne qujat 4 baptan turady. Oǵan sáıkes hattama men Keden odaǵy komıssııasy sheshimderiniń kúshine ený merzimi naqtylanady. Sondaı-aq, komıssııaǵa jekelegen máseleler boıynsha Keden odaǵyna múshe memleketterdiń usynystaryn qaraý men ustanymdaryn kelisý úshin úılestirý jáne konsýltatıvtik organdar qurý quqyǵy beriledi.
Parlament qabyldaǵan zań Memleket basshysynyń qol qoıýyna jiberiledi.
